"Wang-Boo"

Piyesta na-naman sa San Jose City, kaya madami nanamang activities. Kagabi ginanap ang Ginoo at Binibining San Jose. Kanina ay body building competition at variety show.

Sa Ginoo at Binibini, ito ang super late na mag-start na show! 8:00 pm ang start na nakalagay sa invitation, pero 2 hours na delayed. Tapos hindi pa maayos ang bigayan ng special awards. Ito rin ang pinakamaraming special awards, mga 25+ ang ibinigay ng mga sponsor. Ang ibang sponsor hindi na tinanong kung kanino ibibigay ang special award at ang tagal-tagal pang umakyat ng mga presentors! Sa special awards pa lang ay naubos na ang isang oras. Pagkatapos nito ay tinawag na ang top 10. After 10 minutes, tinawag na ang top 5. Anong ginawa sa top 10?! Wala! Pinatayo lang sila! Hindi ko nga alam kung saan nila pinagbasehan ang pagkuha ng top 5. Nakakaawa naman yung ibang tinawag sa top 10. Wala silang ginawa para magkaroon ng chance na makapasok sa top 5. Ang sabi sa akin ng isang kasali ay dapat Q&A yung top 10, pero sa top 5 nila ginawa. Ang gulo! Ang daming palpak ng organizers. Nakakadismaya. Nakakainit ng ulo dahil na rin siguro sa gutom. 3:00 am na natapos ang contest.

Magkasabay namang ginanap ang All Superb Bodybuilding Contest at variety show sa magkaibang venue. Nagpunta muna ako sa bodybuilding para suportahan ko si Michi na merong gym. Sa tindahan kami ni ate Mona tumambay kasi katabi lang ang stage. May dalawa siyang entry para sa novice level. May aberya pa nga dahil ayaw isali ng isang organizer ang isa nyang tao kahit qualified naman. Buti na lang at nagawan pa ng paraan. Kaya ayun, champion at 1st runner-up ang mga entry nya. Congrats!

Afterwards nagpunta naman kami sa variety show. Meron kaming kasama na staff ni Mayor kaya sa munisipyo kami dumiretso. Nandun kasi naka-stay sila Wally at Jose. Konting picture picture kahit camphone lang gamit namin. Nilagyan ko pa nga ng sungay si Jose kaya nakangiti lahat ng kumukuha ng pics. He he! Tsaka mukhang makinis naman ang mukha ni Jose sa personal kesa sa tv. Ha ha! Sayang nga at nasa sasakyan ung cam ko. Hindi tuloy maganda ung resolution. Sa Hotel Tierra kasi ako pumarada dahil wala ng space sa munisipyo sa sobrang dami ng tao. Bumagsak pa nga ang isang stage dahil ang daming tao dun. Kala ko pa nga may stampede na. Tahimik lang sila Wally at Jose. Hindi ko alam kung talagang ganun lang sila kapag wala sa stage o baka talagang suplado sila or pagod lang. Nung nasa stage na sila ay umalis na kami ni ate Mina. Pareho pala kami na nakakaramdam ng gutom kaya bumili na lang kami ng litsong manok at kanin kesa kumain pa kami sa Magellan. Nakita pa namin ung fireworks mula sa munisipyo. Pagkatapos kumain, post-analysis sa mga kaganapan hanggang sa umuwi na ako ng mga alas dos.